Kontseilu ekonomiko eta soziala (ECOSOC)

Ingelesez, errusieraz, frantsesez, arabieraz eta espainolez dago eskuragarri. Herrialde bakoitzeko egoera ekonomiko eta sozialari buruzko garrantzizko informazioa eskaintzen du. Bilerei buruzko atalean, 2005. urteaz geroztik Kontseiluak izandako batzorde eta bileren transkripzioak eskura ditzakegu. Dokumentazio-atalean, Kontseiluaren hainbat txosten, argitalpen ebazpen eta erabaki ditugu ikusgai. Dokumentuak ingelesez daude jasota.

Torturaren Aurkako Mundu Erakundea (OMCT...

Espainolez, frantsesez eta ingelesez dago eskuragarri. Erakunde parte-hartzaileei buruzko informazioa aurkezten du. Jarduerei buruzko atalean, lotutako artikuluak argitaratzen dira. Gai-zerrendan, emakumearen aurkako indarkeria dago jasota. Herrialdez herrialdeko bilaketak egin daitezke, baita mapa interaktibo baten bitartez ere. Hala, herrialde baten gainean sakatuz, herrialde horrekin zerikusia duten artikuluak eskura ditzakegu.

Colectiu Lambda

Espainolez eta valentzieraz dago eskuragarri. Dokumentuen atalean, bisexualitateari, giza eskubideei, genero-identitateari, erlijio-gaiei, HIESari eta y LGTB+ pertsonei, eta gazteei buruzko informazioa aurki dezakegu.

Legislation online

Ingelesez eta errusieraz dago eskuragarri. OSCE Europako Segurtasun eta Lankidetzako Antolakundeari eta ODIHR Instituzio Demokratiko eta Giza Eskubideetarako Bulegoari buruzko informazioa eskaintzen du. Konstituzio edo kode penalak bilatzeko aukera eskaintzen du. Gaiaren araberako bilatzaile bat dauka, eta horrek hainbat gai lotzen ditu, hala nola generoa, migrazioa, pertsonen salerosketa, gorroto-krimenak, erlijio-askatasuna eta giza eskubideen instituzio nazionalak.

Newspapers

Ingelesez dago eskuragarri. Informazio orokorreko egunkariak bilatzen ditu, herrialdearen, hiriaren eta urtearen arabera.

Human Rights House Network

Ingelesez dago eskuragarri. Zenbait baliabide frantsesez eta errusieraz ere daude jasota. Urteko txostenak interesgarriak dira, eta herrialdeen arabera bereizitako informazioa aurki dezakegu haietan. Baliabideen direktorio bat dauka, eta, baliabide horiek, beste erakunde batzuetako webguneekin lotzen dira, Giza Eskubideekin zerikusia duten gaien berri emateko.