The Social Insitutions and Gender Index ...

Ingelesez dago eskuragarri. Honako atal hauetan banatzen da: a) SIGIri buruz (ekimenaren jatorria eta helburua azaltzen ditu); b) 2012ko sailkapenak (Ekonomia Lankidetza eta Garapenerako Antolakundearen herrialdeetako indizearen sailkapena erakusten du); c) Datuak (diskriminazioaren mapa erakusten du, eta SIGI adierazlea ateratzeko aldagai eta iturriak azaltzen ditu); d) Sortu zure SIGI; e) Herrialdez herrialdeko profilak (SIGI indizeari buruzko txostenak herrialdez herrialde); eta f) Metodologia. ‘Country profiles’ atalean, berriz, herrialde bakoitzeko...

Europako emakumezko herritarren sarea

Ingelesez, frantsesez eta espainolez dago eskuragarri. Europar Batasunak emakumeen eskubideei buruz emandako berriak, kanpainak eta txostenak nabarmentzen dira. Menuan, argitalpenetan sartzeko aukera ematen duen atal bat dago eskuragarri. Hainbat herrialdetan genero-berdintasuna zertan dagoen azaltzen digun informazioa biltzen du. Hitzen arabera bilatzeko tresna bat eskaintzen du.

Antigona zentroa

Katalanez eta espainolez dago eskuragarri. Legeriari, jurisprudentziari, emakumearen eskubideei, elkarteei, ikerketa-taldeei eta beste alor batzuei buruzko dokumentu ugari dakartza, lurraldez lurralde banatua: Katalunia, Estatu espainola, Europa, Amerika, Afrika, Asia eta Ozeania. Informazio ugari eskaintzen du, honako gai hauei buruz batik bat: zuzenbidea eta generoa, emakumeak eta haien eskubideak, eta prestakuntza juridiko feminista. Gainera, bilatzaileak bilaketa orokorra egiteko aukera ematen du, egilearen edo izenburuaren arabera.

Women’s Link Worldwide

Ingelesez eta espainolez dago eskuragarri. Erakundearen lanaren berri ematen duen erlaitzean sakatuz, erakundearen lan-ildo guztien berri izango dugu: nazioarteko genero-krimenak, emakume migratzaileen eskubideak, sexu- eta ugalketa eskubideak, atalen arteko diskriminazioa, genero- eta justizia-behatokia eta gizakien salerosketa. Bakoitzak lotutako proiektuak eta esparru horretan landutako txostenak biltzen ditu. Nabarmentzekoa da Genero- eta justizia-behatokia, Doako informazio-sistema da, eta genero-gaietan aurrekari esanguratsua suposatu duten epai judizialei buruzko...

Mediterraneoko Emakumeak

Ingelesez, frantsesez, espainolez eta arabieraz dago eskuragarri. Gaien eta herrialdeen arabera banatzen du garrantzizko informazioa. Adituen txostenak eta nazioarteko erakunde eta estatuko agentzien txostenak uztartzen ditu. Nabarmentzekoa da emakumeen eskubideekin, generoarekin, homofobiarekin, eskubide-berdintasunarekin, immigrazioarekin, sexismoarekin, indarkeriarekin eta bortxaketekin zerikusia duen informazioa.

Colectiva Mujer y Salud

Espainolez, ingelesez, italieraz, frantsesez eta portugesez dago eskuragarri. Ez dauka bilatzailerik. Dokumentazio-zentroa izeneko erlaitzean, emakumeen eskubideei dagokienez Estatuan eta nazioartean indarrean dauden araudiak kontsulta daitezke. Bestelako argitalpenen atalean, berriz, sexu-eskubideen, ugalketa-eskubideen, emakumeen aurkako indarkeriaren eta genero-berdintasunaren esparruko hainbat gai daude ikusgai. Erakundearen zereginari buruzko kategoriaren barruan, argitalpenen atalean, generoari, abortuari eta emakume migratzaileei buruzko zenbait liburu dauzkagu...