Internacional Center for Research on Wom...

Ingelesez dago eskuragarri. Online argitalpen-katalogoa dauka, eta txosten politikoak, jarduteko tresnak eta beste aurki daitezke bertan. Gako-hitzaren, gaiaren, argitalpen motaren eta urtearen arabera egin daitezke bilaketak. Emakumeen egoerari buruzko txostenak argitaratzen dituzte, bakarka edo beste zenbait erakunderekin elkarlanean. Hainbat jai jorratzen dituzte, besteak beste, emakumeen aurkako indarkeria eta haurren ezkontza.

Humanium

Ingelesez, frantsesez, espainolez eta alemanez dago eskuragarri. Konbentzioari eta testuei buruzko erlaitzak informazio zabala eskaintzen du haurren eskubideekin zerikusia duen nazioarteko legeriaren inguruan. Gaiaren arabera bilatzeko aukera ematen du, eta indarkeriarekin eta diskriminazioarekin zerikusia duten gaiak nabarmen ditzakegu. Azken horren barruan, neskatoen diskriminazioari buruzko atala aurkitzen dugu.

Humanas Colombia

Espainolez eta ingelesez dago eskuragarri. Orriaren eskuinaldean, erakundeak lantzen dituen gai guztiak dauzkagu. Bakoitzean klik eginez gero, beste lotura batzuk zabaltzen dira, lotutako argitalpenen berri ematen digutenak. Emakume migratzaileak, sexu-indarkeria eta beste gai batzuk nabarmentzen dira.

Human Rights First

Ingelesez dago eskuragarri. Bilatzaile orokorra dauka, gako-hitz baten bitartez informazioa eskuratzeko aukera ematen duena. Albiste eta dokumentuen bilaketak egin daitezke, halaber, erakundearen lanaren eta garrantzizko gaien arabera. Informazioa eta berriak hainbat gairen arabera egituratzen ditu: Afganistan, enpresa eta giza eskubideak, gizateriaren aurkako krimenak, Egipto, diskriminazioaren aurkako borroka, Guantanamo, giza eskubideen defendatzaileak, askatasuna Interneten eta pribatutasuna, legea eta segurtasuna, terrorismoa epaitzea, errefuxiatuentzako babesa...

Colectiu Lambda

Espainolez eta valentzieraz dago eskuragarri. Dokumentuen atalean, bisexualitateari, giza eskubideei, genero-identitateari, erlijio-gaiei, HIESari eta y LGTB+ pertsonei, eta gazteei buruzko informazioa aurki dezakegu.

Women living Under Muslim Laws

Ingelesez, frantsesez eta arabieraz dago eskuragarri, besteak beste. Hainbat gairi buruzko baliabideak eskaintzen ditu, argitalpen, gai eta azpigaien arabera sailkatuak herrialde- eta eskualde-zerrenda zabalean. Hona hemen gai nagusiak: lesbianak, gayak, bisexualak, transgeneroa, haurren ezkontza, behartutako ezkontza, sexu-indarkeria, etxeko indarkeria, genero-indarkeria, genero-berdintasuna, emakumeen eskubideak, emakumeen mutilazio genitala, genero-identitatea, sexu-joera, Giza Eskubideen aldeko emakumeak eta ohorezko krimenak.