War Child
Ingelesez dago eskuragarri. Gai-zerrenda itxia dauka, eta errefuxiatu eta desplazatuei buruzkoa nabarmendu behar da guztien artean. Gai baten gainean klik eginez gero, gai horrekin zerikusia duten artikulu, informazio, testu edo webguneen zerrenda agertzen da. Eskualde edo herrialde bati buruzko informazio zehatza ere aurki dezakegu, erakundeak Australian, Kanadan, Holandan, Irlandan, Erresuma Batuan eta Estatu Batuetan dauzkan orrien bitartez.
Eskualdeko artikulazio feminista
Espainolez dago eskuragarri. Argitalpenen atalean, hainbat liburu daude eskuragarri. Emakumeen eskubideekin, indarkeriarekin eta sexu-indarkeriarekin zerikusia duten gaiak nabarmentzen dira. Herrialdez herrialdeko informazioa ere eskaintzen du. Berriei buruzko atal bat ere badu. Nabarmentzekoa da Epai Judizialen Behatokia. Haren erabiltzaile izan nahi duenak harpidetu egin behar du, zer herrialderi buruzko informazioa nahi duen adierazita: Argentina, Bolivia, Txile, Kolonbia, Ekuador edo Peru.
Abriendo Mundos
Espainolez dago eskuragarri. Produktuen erlaitzean dauzkagu ikusgai erakundearen argitalpen, txosten, azterlan, lan-dokumentu, koaderno eta liburuxka guztiak. Batzuk ingelesez daude jasota. Honako gai hauek jorratzen dituztenak nabarmen ditzakegu: batetik, Andeetako emakume migratzaileak, eta, bestetik, emakume migratzaileak, eskubideak dauzkaten emakumeak.
Mugarik Gabeko Medikuak (MSF)
Ingelesez dago eskuragarri. Lekuan bertako egoerari buruzko informazio zabala eskaintzen du. Bilaketak egiteko zenbait modu erabil daitezke. Menu nagusian: a) erakundearekin edo erakundeak diharduen herrialdeekin zerikusia duten azken berriak nabarmentzen ditu; b) baliabideen atalean, lekuan bertan diharduten pertsonek idatzitako blogak ditugu ikusgai. MSFren guneei buruzko atala honako hauekin lotzen da: a) MSFk diharduen herrialdeetan eskuragarri dituen webguneak, tokiko hizkuntzatan kontsulta daitezkeenak; b) MSFk antolatutako kanpainei (sexu-indarkeria, eta sexu- eta...