Protection Project (Johns Hopkins Uniber...

Ingelesez dago eskuragarri. Baliabideen atalean, hainbat txosten eta argitalpen bila daitezke Afrikako, Amerikako, Asiako eta Ozeano Bareko, Europako eta Ekialde Ertaineko, eta Afrikako Iparraldeko herrialdeen arabera. Atal honi esker, halaber, pertsonen salerosketari buruzko sare zabal batean sar gaitezke, gobernuak, gobernu arteko erakundeak eta gizarte zibila biltzen dituena. Baliabideen guneen atalean, salerosketari, giza eskubideei, lan-eskubideei eta migrazioari buruzko hainbat baliabide baliagarri aurki ditzakegu.

Errefuxiatuentzako Nazio Batuen Goi Komi...

Ingelesez dago eskuragarri. Asiloari buruzko informazio-baliabideak dauzka. Herrialdez herrialdeko bilatzaileari esker, testuinguruari buruzko informazio orokorra eskura dezakegu, baita herrialdean errefuxiatutako pertsonei eta hirugarren herrialdeetan errefuxiatutako nazionalei buruzko datuak eskuratu ere. Gainera, ‘Resources’ atalean hainbat estatistika, mapa, argitalpen eta artxibo dauzkagu ikusgai, eta Refworld* webgunean (UHNCRren webgunea, gatazka-eremuetako berriei buruzkoa) zuzenean sartzeko aukera ere badugu.

El Toque

Espainolez dago eskuragarri. Orri nagusian, gaurkotasuneko bideoak, blogariak eta gaiak ageri dira. Besteak beste, LGTB eskubideak Latinoamerikan zertan diren erakusten diguna nabarmen dezakegu. Giza Eskubideen erlaitzak zerrenda luze bat dauka, artikuluz, elkarrizketaz, irudiz, audioz eta lotutako gaiei buruzko bideoz osatua. Zerrendak ez dio inolako ordenari jarraitzen. Beste hainbat gairen artean, honako hauek nabarmentzen dira: emakumeen mutilazio genitala, aitzakiarik gabe; edota feminizidioak Chiapasen, erailtzen duten maitasunak.

The Female Genital Cutting Education and...

Ingelesez dago eskuragarri. Bilatzailea ez dabil, baina herrialdez herrialdeko informazioa eskaintzen du. Emakumeen mutilazio genitalari buruzko informazio ugari dakar: hainbat herrialdetan egoera zertan den, Estatu Batuetako eta nazioarteko legeria, lekukotzak, argitalpenak eta abar. 2012. urtetik aurrera orriak ez du informazioa eguneratu.

Inmigration and refugee board of Canada

Ingelesez eta frantsesez dago eskuragarri. Kanadan atzerritar direnentzako informazio baliagarria eskaintzen du: asiloa, bizileku-baimena eta horrelakoak eskatzeko izapideak. ‘Refugee claims’ erlaitzean ‘National Documentation Packages’ atala dugu, eta, bertan, bi bilatzaile: a) ‘National Documentation Packages’ (esteka ireki), giza eskubideei, segurtasun-baldintzei eta errefuxiatu-egoera zehazteko garrantzizkoak diren beste gai batzuei buruzko hainbat dokumentu hautatu biltzen dituena. Dokumentuak herrialdez herrialde antolatu dira. Besteak beste, informazioa honako atal...

Idazkari nagusiaren txostenak

Orri hau espainolez, errusieraz, ingelesez, frantsesez, txineraz eta arabieraz dago eskuragarri. 1997tik 2012ra bitarte idazkari nagusiak Nazio Batuen Segurtasun Kontseiluari aurkeztutako txostenak biltzen ditu. Urtero-urtero, aurkeztutako txostenen zerrenda biltzen du, gaiaren eta urtearen arabera antolatuta. Hizkuntza guztietan daude eskuragarri.