Gender Jurisprudence and International C...

Ingelesez dago eskuragarri. Datu-base bat da, eta nazioarteko gorte eta auzitegiek emandako epaiak eta garrantzizko beste hainbat dokumentu biltzen ditu gatazka-egoeretan sortutako sexu- eta genero-indarkeriari loturik. ‘Gender Jurisprudence Collection’ erlaitzari esker, bilatzaile bikaina eskura dezakegu, hiru bilaketa mota egiteko aukera ematen diguna: ‘Search Collections’, ‘Browse Collections’ eta ‘Search by Keywords’.

International Constitutional Law Countri...

Ingelesez dago eskuragarri. Herrialde bakoitzeko konstituzio-testuak biltzen ditu, testu bakoitzaren aipamen historiko batekin eta testuari egindako zuzenketekin batera. Hiru kategoriatan antolatzen da: 1) Konstituzio-dokumentuen atalak, informazio osoa duten herrialdeetan sartzeko aukera ematen digu; 2) Herrialdeari buruzko informazioaren atalak, berriz, konstituzio-prozesuaren gaineko informazio historikoa duten herrialdeak erakusten dizkigu; 3) eta azkenik, konstituzio-informaziorik gabeko herrialdeen atalean, informaziorik gabeko herrialdeak ditugu ikusgai. Ingelesera...

Legislation online

Ingelesez eta errusieraz dago eskuragarri. OSCE Europako Segurtasun eta Lankidetzako Antolakundeari eta ODIHR Instituzio Demokratiko eta Giza Eskubideetarako Bulegoari buruzko informazioa eskaintzen du. Konstituzio edo kode penalak bilatzeko aukera eskaintzen du. Gaiaren araberako bilatzaile bat dauka, eta horrek hainbat gai lotzen ditu, hala nola generoa, migrazioa, pertsonen salerosketa, gorroto-krimenak, erlijio-askatasuna eta giza eskubideen instituzio nazionalak.

Bayefsky (The United Nations Human Right...

Ingelesez dago eskuragarri. Informazioa eskaintzen du Nazio Batuen Batzar Orokorraren esparruan onartutako giza eskubideen gaineko nazioarteko itunei buruz. Bilaketak herrialdearen, itunaren edo gai interesgarriaren arabera egin daitezke. Herrialdeak sinatutako itun eta protokoloei buruzko informazio guztia eskaintzen du, baita haiei buruzko azterketak ere. Zenbait herrialdetan, genero-diskriminazioarekin zerikusia duten itun espezifikoak ere biltzen ditu, baita itun horien aplikazioari buruzko ebaluazioa ere.

JaFBase (Conventions bilaterales utiles ...

Frantsesez dago eskuragarri. Munduko ezkontza eta dibortzioaren gaineko legeriari buruzko informazioa eskaintzen du. Eskualde eta herrialdeen arabera banatzen da. Sinatutako legeria nazionalak eta nazioarteko itunak biltzen ditu. Europar Batasunaren atala da osoena eta homogeneoena, hartan dokumentuak gainerako eskualdeetan baino errazago aurki daitezkeelako.

European Database of Asylum Law (EDAL)

Ingelesez dago eskuragarri. Informazioa eskaintzen du Europar Batasuneko herrialdeetako asilo-legeria nazionalei buruz. Bilatzeko aukera ugari eskaintzen ditu: gaiaren, legearen, artikuluaren edo herrialdearen arabera. Gainera, asilo-eskaeren kasuak, auzitegi nazionalen ebazpenak eta epaiek jaso dituzten errekurtsoak jasotzen ditu.