Humanium

Ingelesez, frantsesez, espainolez eta alemanez dago eskuragarri. Konbentzioari eta testuei buruzko erlaitzak informazio zabala eskaintzen du haurren eskubideekin zerikusia duen nazioarteko legeriaren inguruan. Gaiaren arabera bilatzeko aukera ematen du, eta indarkeriarekin eta diskriminazioarekin zerikusia duten gaiak nabarmen ditzakegu. Azken horren barruan, neskatoen diskriminazioari buruzko atala aurkitzen dugu.

European Database of Asylum Law (EDAL)

Ingelesez dago eskuragarri. Informazioa eskaintzen du Europar Batasuneko herrialdeetako asilo-legeria nazionalei buruz. Bilatzeko aukera ugari eskaintzen ditu: gaiaren, legearen, artikuluaren edo herrialdearen arabera. Gainera, asilo-eskaeren kasuak, auzitegi nazionalen ebazpenak eta epaiek jaso dituzten errekurtsoak jasotzen ditu.

Le Monde Diplomatique

Lotura espainolez dago. Baina beste hainbat edizio beste zenbait hizkuntzatan irakur daitezke. Horretarako, hileko eta nazioarteko edizioak kontsulta ditzakegu. Besteak beste, ingelesez, frantsesez, arabieraz eta errusieraz dago eskuragarri. Orri nagusian, nabarmentzeko moduko artikulu edo berriak aurki ditzakegu. Ez dago ordenatuta gaiaren arabera. Eskaintzen dituen argitalpenak salgai daude.

Mugarik Gabeko Medikuak (MSF)

Ingelesez dago eskuragarri. Lekuan bertako egoerari buruzko informazio zabala eskaintzen du. Bilaketak egiteko zenbait modu erabil daitezke. Menu nagusian: a) erakundearekin edo erakundeak diharduen herrialdeekin zerikusia duten azken berriak nabarmentzen ditu; b) baliabideen atalean, lekuan bertan diharduten pertsonek idatzitako blogak ditugu ikusgai. MSFren guneei buruzko atala honako hauekin lotzen da: a) MSFk diharduen herrialdeetan eskuragarri dituen webguneak, tokiko hizkuntzatan kontsulta daitezkeenak; b) MSFk antolatutako kanpainei (sexu-indarkeria, eta sexu- eta...

Giza Eskubideen aldeko Institutu Interam...

Espainolez, ingelesez, frantsesez eta portugesez dago eskuragarri. Atalen erlaitzean, argitaletxe eta argitalpenen berri izan dezakegu. Askotariko informazioak jaso ditzakegu bertan, formatu digitalean eta PDFan deskargatzeko modukoan, edo inprimatutako bertsioa ordainduta, harpidetu beharrik gabe. Hainbat gai garatzen dira, eta migratzaile eta errefuxiatuak batetik, eta emakumeak bestetik, nabarmentzen dira guztien artean. Aukera beretik, gako-hitzen araberako bilatzaile bat eskura dezakegu.

Osasunaren Mundu Erakundea (OME)

Ingelesez, espainolez, arabieraz, frantsesez eta errusieraz dago eskuragarri. Osasun-gaien zerrenda luzea dauka, eta, gai horiek, Osasunaren Munduko Erakundearen proiektu, ekimen, jarduera eta txostenetarako lotura gehiago eskaintzen dituzte. Argitalpenen zerrenda bat ere badu, baita herrialde eta eskualdeen araberako bilatzaile bat ere. Informazio zabala eskaintzen du sexu- eta ugalketa-osasunarekin zerikusia duen guztiaren inguruan.