Interights

Ingelesez dago eskuragarri. Menu nagusiaren bitartez eskura daiteke informazioa. Honako atal hauek ditu: a) berri eguneratuak (2006ko ekainaz geroztik); b) auzi estrategikoko kasuak (bilatzaile baten bitartez kontsulta daitezke, honako irizpide hauen arabera: auziaren ardura hartu zuen auzitegia, eskualdea eta/edo gaia); c) bi datu-base, Commonwealtheko auzitegi nazionalen eta nazioarteko auzitegien jurisprudentziarekin. Bilatzaileak aukera ematen du, gainera, orriko edo datu-baseetako informazioa jasotzeko, gako-hitzen bitartez.

Child Rights International Network (CRIN...

Besteak beste, ingelesez, espainolez eta frantsesez dago eskuragarri. Liburutegia izeneko erlaitzean, informazioa kategorien arabera bila daiteke: berrien artxiboa, erakundeak, argitalpenak, gertakariak, legeria, eta NBE eta eskualdeko dokumentazioa. Gainera, herrialdez herrialdeko bilatzaile bat ere badu, dagokion eremuan haurrekin diharduten erakundeei buruzko garrantzizko informaziora daramana.

Constitution Finder

Ingelesez dago eskuragarri. Herrialdearen araberako bilatzaile bat dauka, eta, horri esker, herrialde bakoitzaren Konstituzioa eskura dezakegu, normalean jatorriko hizkuntzan, ingelesez edo frantsesez, herrialdearen arabera.

Le Monde Diplomatique

Lotura espainolez dago. Baina beste hainbat edizio beste zenbait hizkuntzatan irakur daitezke. Horretarako, hileko eta nazioarteko edizioak kontsulta ditzakegu. Besteak beste, ingelesez, frantsesez, arabieraz eta errusieraz dago eskuragarri. Orri nagusian, nabarmentzeko moduko artikulu edo berriak aurki ditzakegu. Ez dago ordenatuta gaiaren arabera. Eskaintzen dituen argitalpenak salgai daude.

Internacional Women’s Health Coalition

Ingelesez, frantsesez, portugesez eta espainolez dago eskuragarri. Koalizioaren azken jarduerei buruzko informazioa biltzen du. Liburutegian, osasun-eremuko erreformei buruzko araudia aurki daiteke. Argitalpenak hizkuntzen arabera sailkatu dira, baina argitalpenetarako bilatzailerik ez du. Nabarmentzekoak dira haurren ezkontzari, behartutako ezkontzei, neskatoen eskubideei eta legezko abortu seguruari buruz eskaintzen dituen baliabideak. Herrialde eta gaien araberako sailkapenik ez dago.

International Directory of Domestic Viol...

Ingelesez dago eskuragarri. Loturen bitartez, erakunde eta instituzioetako webguneetan sartzeko aukera ematen du, baita etxeko indarkeriarekin zerikusia duten zenbait txosten eskuratzeko aukera ere, 110 hizkuntza baino gehiagotan. Bi modutara sar gaitezke: a) Gai eta/edo erakundeen goitibeherako zerrenda; b) Herrialdez herrialdeko bilaketa, menuaren edo maparen bidez egin daitekeena.