Eskualdeko artikulazio feminista

Espainolez dago eskuragarri. Argitalpenen atalean, hainbat liburu daude eskuragarri. Emakumeen eskubideekin, indarkeriarekin eta sexu-indarkeriarekin zerikusia duten gaiak nabarmentzen dira. Herrialdez herrialdeko informazioa ere eskaintzen du. Berriei buruzko atal bat ere badu. Nabarmentzekoa da Epai Judizialen Behatokia. Haren erabiltzaile izan nahi duenak harpidetu egin behar du, zer herrialderi buruzko informazioa nahi duen adierazita: Argentina, Bolivia, Txile, Kolonbia, Ekuador edo Peru.

Abriendo Mundos

Espainolez dago eskuragarri. Produktuen erlaitzean dauzkagu ikusgai erakundearen argitalpen, txosten, azterlan, lan-dokumentu, koaderno eta liburuxka guztiak. Batzuk ingelesez daude jasota. Honako gai hauek jorratzen dituztenak nabarmen ditzakegu: batetik, Andeetako emakume migratzaileak, eta, bestetik, emakume migratzaileak, eskubideak dauzkaten emakumeak.

Mugarik Gabeko Medikuak (MSF)

Ingelesez dago eskuragarri. Lekuan bertako egoerari buruzko informazio zabala eskaintzen du. Bilaketak egiteko zenbait modu erabil daitezke. Menu nagusian: a) erakundearekin edo erakundeak diharduen herrialdeekin zerikusia duten azken berriak nabarmentzen ditu; b) baliabideen atalean, lekuan bertan diharduten pertsonek idatzitako blogak ditugu ikusgai. MSFren guneei buruzko atala honako hauekin lotzen da: a) MSFk diharduen herrialdeetan eskuragarri dituen webguneak, tokiko hizkuntzatan kontsulta daitezkeenak; b) MSFk antolatutako kanpainei (sexu-indarkeria, eta sexu- eta...

Gender Links for Equality and Justice

Ingelesez, frantsesez eta portugesez dago eskuragarri. Afrikako herrialde eta eskualdeen araberako bilatzaile bat dauka, nazioarteko bilatzaileaz gain. Generoarekin eta emakumeek Afrikan duten parte-hartzearekin zerikusia duten argitalpenak nabarmentzen dira.

Internacional Center for Research on Wom...

Ingelesez dago eskuragarri. Online argitalpen-katalogoa dauka, eta txosten politikoak, jarduteko tresnak eta beste aurki daitezke bertan. Gako-hitzaren, gaiaren, argitalpen motaren eta urtearen arabera egin daitezke bilaketak. Emakumeen egoerari buruzko txostenak argitaratzen dituzte, bakarka edo beste zenbait erakunderekin elkarlanean. Hainbat jai jorratzen dituzte, besteak beste, emakumeen aurkako indarkeria eta haurren ezkontza.

Humanium

Ingelesez, frantsesez, espainolez eta alemanez dago eskuragarri. Konbentzioari eta testuei buruzko erlaitzak informazio zabala eskaintzen du haurren eskubideekin zerikusia duen nazioarteko legeriaren inguruan. Gaiaren arabera bilatzeko aukera ematen du, eta indarkeriarekin eta diskriminazioarekin zerikusia duten gaiak nabarmen ditzakegu. Azken horren barruan, neskatoen diskriminazioari buruzko atala aurkitzen dugu.